Alman Akademik Mübadilə Xidmətinin (DAAD) Tiflis Regional Ofisinin rəhbəri Gebhard Reul Azərbaycan Dövlət Aqrar Universitetinə (ADAU) səfər edib.

Qonaqla görüşən ADAU-nun rektoru Zəfər Qurbanov ali təhsil müəssisəsinin beynəlxalq əlaqələri və hədəfləri barədə ətraflı məlumat verib. Bildirib ki, beynəlxalq əlaqələrin inkişaf etdirilməsi həm akademikin heyətin elmi fəaliyyətinin təkmilləşdirilməsi, həm də tələbələrin təcrübə toplaması baxımından daim diqqət mərkəzində saxlanılır.

Sonra ADAU-nun tanıtım çarxı nümayiş olunub.

Gebhard Reul səmimi qarşılama üçün minnətdarlığını bildirirək, DAAD proqramlarında iştirakın və gələcək birgə fəaliyyətin genişləndirilməsi istiqamətində təkliflərini səsləndirib.

Görüşdən sonra bir qrup ADAU tələbəsi ilə görüşən qonaq DAAD proqramlarında və Almaniya universitetlərində təhsil proqramlarının tələbləri ilə bağlı ətraflı məlumat verib.
İstinad : AZƏRBAYCAN DÖVLƏT AQRAR UNİVERSİTETİ