Bu ilin yanvar-fevral aylarında Azərbaycan 30,5 milyon ABŞ dolları dəyərində xurma ixrac edib.

"Report" xəbər verir ki, bu barədə İqtisadi İslahatların Təhlili və Kommunikasiya Mərkəzinin açıqladığı "İxrac İcmalı"nın mart sayında bildirilir.

Bu, 2024-cü ilin eyni dövrü ilə müqayisədə 15,5 % və ya 4,1 milyon ABŞ dolları çoxdur.

Xurma ixracı Azərbaycanın ümumi meyvə-tərəvəz ixracında payı 27,9 % təşkil edib.

Azərbaycan 2025-ci ilin yanvar-fevral aylarında 108 milyon 999 min ABŞ dolları dəyərində 100 min 399 ton meyvə-tərəvəz ixrac edilib. Bu, 2024-cü ilin eyni dövrü ilə müqayisədə həcm baxımından 15,3 % (13 min 328 ton), dəyər baxımından isə 9,5 % (9 milyon 518 min ABŞ dolları) çoxdur.