Azərbaycan Dövlət Aqrar Universitetində (ADAU) Tələbə Elmi Cəmiyyətinin (TEC) Ulu Öndər Heydər Əliyevin anadan olmasının 101-ci ildönümünə həsr olunan ənənəvi illik konfransı baş tutub.

Konfransda əvvəlcə Dövlət Himni səsləndirilib, sonra torpaqlarımızın ərazi bütövlüyü uğrunda canlarından keçən şəhidlərin əziz xatirəsi bir dəqiqəlik sükutla yad olunub.

Çıxış edən Universitetin rektoru Zəfər Qurbanov Tələbə Elmi Cəmiyyətinin universitetin və tələbələrin həyatındakı önəmindən bəhs edərək bu cür tədbirlərin keçirilməsinin gənc mütəxəssislərin yetişməsində böyük rolu olduğunu vurğulayaraq konfransın işinə uğurlar arzu edib.

Konfransda Universitetin bütün fakültələrindən tələbələr müxtəlif mövzularda təqdimatlar ediblər.

Sonda çıxış edən tələbələrə hədiyyələr təqdim olunub.
İstinad : AZƏRBAYCAN DÖVLƏT AQRAR UNİVERSİTETİ