Azərbaycan Dövlət Aqrar Universiteti (ADAU) Aqrar Gənclər Təşkilatının təşkilatçılığı ilə, "Yaşıl Təhsil Hərəkatı" layihəsi çərçivəsində “Yaşıl dünya naminə həmrəylik ili”nə həsr olunmuş intellektual yarış keçirilib.

Yarışda əvvəlcə Dövlət Himni səsləndirilib sonra ölkəmizin ərazi bütövlüyü uğrunda canlarından keçən şəhidlərin əziz xatirəsi yad olunub.

Yarışda hər komandada 5 nəfər olmaqla 6 komandada ADAU tələbələri iştirak ediblər.

İntellektual yarışda təbiət elmləri və ekologiya yönümlü suallara xüsusilə yer verilib. Eyni zamanda ümumi dünyagörüşünü əhatə edən suallar da səsləndirilib.

I yerə “Yüksək Voltaj”, II yerə “Armagedon”, III yerə isə “Agroking” komandası çıxıb.

Yer tutan tələbələr medal və diplom digər yarışçılar isə sertifikatla təltif olunublar.
İstinad : AZƏRBAYCAN DÖVLƏT AQRAR UNİVERSİTETİ