Azərbaycan Dövlət Aqrar Universitetinin (ADAU) təşkilatçılığı ilə "Yaşıl Dünya naminə həmrəylik ili" və Ümummilli Lider Heydər Əliyevin anadan olmasının 101 illiyi münasibətilə "Yaşıl gələcəyin səsi" adlı elmi-praktik konfrans keçirilib.

Şəki şəhərində keçirilən konfransda AMEA-nın Şəki Regional Elm Mərkəzinin direktoru Yusif Şükürlü, Aqrar Xidmətlər Agentliyinin Şəki Regional Aqrar Təlim Mərkəzinin direktoru Sərkər Namazov, ADAU-nun Bağçılıq kafedrasının müdiri Allahverdi Seyidov, Ekologiya kafedrasının baş müəllimi Ceyhunə Hacıyeva, ETN-nin Genetik Ehtiyatlar İnstitutu Şəki ET Bazasının müdiri Coşqun Məmmədov, Şəki REM-nin Tut ipəkqurdunun seleksiyası şöbəsinin müdiri Qüdrət Bəkirov çıxış edərək, dəyişkən iqlim mühitinə uyğun kənd təsərrüfatı məhsulları istehsalı texnologiyasının mütərəqqi metodlara keçirilməsinin vacibliyini vurğulayıblar.

ADAU tələbələri - Aytən Hüseynova, Qumru Quliyeva, Fatimə Namazova, Mahir Adıgözəlov, Mədinə Əliyeva, Zenfira Sayfatova və Həmid Səfərov öz tədqiqatlarını konfrans iştirakçılarına təqdim ediblər. Təqdimatlardan sonra çıxış edən tələbələr sertifikatlarla təltif olunublar.

“Yaşıl Təhsil Hərəkatı” layihəsi çərçivəsində keçirilən tədbirdə iştirakçılar Şəkidə yerləşən “Biogarden Aqro-ekoturizm” məkanında olub, Şəkinin tarixi yerlərini ziyarət ediblər.
İstinad : AZƏRBAYCAN DÖVLƏT AQRAR UNİVERSİTETİ