Azərbaycan Dövlət Aqrar Universitetində (ADAU) valideyn, tələbə və müəllimlər üçün “Açıq mikrofon” günü keçirilib.

ADAU-nun rektoru Zəfər Qurbanov tədbir iştirakçılarını salamlayaraq bildirib ki, belə görüşləri mütəmadi təşkil etməklə tədris və imtahan prosesində tələbə və müəllimlərin, xüsusilə valideynlərin təklif və rəylərinin dinlənilməsinə şərait yaradılır.

Görüşdə iştirak edən valideynlər biliyin düzgün qiymətləndirilməsinə, müəllimlərin obyektiv yanaşmasına və yaradılan şəraitə görə universitet rəhbərliyinə və professor-müəllim heyətinə təşəkkürlərini ifadə ediblər.

Tələbələrdən Amin Əhlimanov, Xanlar İsmayılov, Laçın Bayramalılı və digərləri sual və təkliflərini səsləndiriblər.
İstinad : AZƏRBAYCAN DÖVLƏT AQRAR UNİVERSİTETİ