Azərbaycan Dövlət Aqrar Universitetində (ADAU) "Universitet Günü" münasibəti ilə təntənəli tədbir keçirilib.

Tədbirdən əvvəl iştirakçılar İnzibatı binanın foyesində tələbələrin rəsm işləri və müxtəlif laboratoriyaların stendlərinə baxış keçiriblər.

Dövlət Himninin səsləndirilməsi ilə başlanan tədbirdə torpaqlarımızın ərazi bütövlüyü uğrunda canlarından keçən şəhidlərin əziz xatirəsi bir dəqiqəlik sükutla yad edilib.

Çıxış edən rektor Zəfər Qurbanov "Universitet Günü" münasibətilə əməkdaşları təbrik edib. Rektor bildirib ki, Azərbaycan Dövlət Aqrar Universiteti hələ uzun illər ölkəmizin kənd təsərrüfatının inkişafına öz töhfəsini verəcək. Gələcək perspektivlərdən və hədəflərdən danışan Zəfər Qurbanov ADAU-nun "UI Greenmetric 2024" dünya universitetlərinin reytinqinə daxil olmasına da diqqətə çatdırıb.

Sonra Aqrar Universitetin tanıtım çarxı nümayiş olunub.

Çıxış edən professor Hasil Fətəliyev, dosent Siyasət Məmmədov, dosent Cəmaləddin Məmmədov və professor Nizami Seydəliyev kollektivi təbrik edərək, səmimi fikirlərini çatdırıblar.

Daha sonra "Universitet Günü" münasibəti ilə bir qrup əməkdaş Fəxri fərmanla təltif olunub.

Tədbir tələbələrin hazırladığı bədii hissə ilə davam edib.