Azərbaycan Dövlət Aqrar Universitetinin (ADAU) Ümumi əkinçilik, genetika və seleksiya kafedrasının dosenti Fariz Ələkbərov Türkiyənin İzmir şəhərində keçirilən "20-ci Beynəlxalq Agroexpo Bitkiçilik və Heyvandarlıq" sərgisində iştirak edib.

Sərgidə bir sıra xarici ölkələrin qabaqcıl kənd təsərrüfatı şirkətləri və məhsulları ilə tanışlıq olub.

Proqram çərçivəsində Fariz Ələkbərov "Progen Tohum A.Ş." şirkətinin İzmir bölgəsində yerləşən toxumçuluq zavoduna səfər edib, istehsal prosesi ilə tanış olaraq, şirkətin eksperti Cafer Martın təqdimatında yeni və perspektiv pambıq, buğda, arpa və soya sortlarına dair təqdimatları dinləyib.