Azərbaycan Dövlət Aqrar Universitetinin (ADAU) Teleqram platformasında fəaliyyət göstərən eyni adlı kanalı platformanın rəsmi təsdiq nişanını əldə edib.

Beləliklə, kanal və kanal istifadəçilərinin təhlükəsizliyi, məlumatlara əlçatanlığı və ali təhsil müəssisəsinin Teleqram platformasında təmsil olunması ən yüksək səviyyədə təşkil olunacaq.

Qeyd edək ki, ADAU-nun Teleqram platformasında fəaliyyət göstərən kanalında universitet barədə gündəlik xəbərlər, məlumatlar və elanlar operativ paylaşılır.

Bundan əvvəl Universitetin Feysbuk və Yutub sosial şəbəkələrində fəaliyyət göstərən hesabları “Meta” şirkəti tərəfindən rəsmi olaraq tanınmışdı. Məlumatların əlçatanlığını yerli və beynəlxalq formada ən yüksək səviyyəyə çatdırmaq üçün ali təhsil müəssisəsi bütün sosial şəbəkələrdə təmsil olunur.
İstinad : AZƏRBAYCAN DÖVLƏT AQRAR UNİVERSİTETİ