Azərbaycan Dövlət Aqrar Universitetinin (ADAU) 1 saylı Tələbə Evinin və Baytarlıq Fakültəsinin tədris korpusunun həyəti və Gəncə Dövlət Aqrar Kollecinin ərazisində "Yaşıl ətraf mühit günləri" adlı tədbirlər keçirilib.

Tədbirlər çərçivəsində nəzərdə tutulan ərazilər tədbir iştirakçılar tərəfindən tullantılardan təmizlənib. Həmçinin, ADAU-nun altı tədris korpusu və təcrübə stansiyasının ərazisində 1 000 ədəd Eldar şamı tingi əkilib.

Ekologiya və Təbii Sərvətlər Nazirliyinin və Qeyri-Hökumət Təşkilatlarına Dövlət Dəstəyi Agentliyinin "COP29-la bağlı beynəlxalq təşəbbüslər" böyük qrant müsabiqəsi tərəfindən maliyyələşən "İqlim dəyişmələrinin uşaqlara təsiri" adlı layihənin məqsədi yaşıl ətraf mühitin və iqtisadiyyatın əhəmiyyəti haqqında maarifləndirmə və təbliğat kampaniyası aparmaq, əlverişli və davamlı təcrübələri təşviq etmək və icma üzvlərinin və ictimai-özəl sektor nümayəndələrinin diqqətini artırmaq vasitəsilə milli və yerli səviyyədə iqlim dəyişikliyinin təsirinin azaldılması prosesinə töhfə verməkdir.