Azərbaycan Qida Təhlükəsizliyi İnstitutunun (AQTİ) bir qrup əməkdaşı Azərbaycan Dövlət Aqrar Universitetinin (ADAU) tələbələri ilə görüşüb.

Universitetin “Baytarlıq” və “Qida mühəndisliyi” ixtisaslarının tələbələri ilə görüşən AQTİ-nin İdarə Heyəti sədrinin müşaviri Hüseyn Məmmədov və İnstitutun Analitik Ekspertiza Mərkəzinin müdiri Tünzalə Qocayeva tələbələrə AQTİ-nin fəaliyyəti barədə geniş məlumat veriblər.

Qeyd edilib ki, İnstitutun müasir infrastruktura malik laboratoriyalarında qida təhlükəsizliyi, heyvan və bitki sağlamlığı, eləcə də kompleks tədqiqatlar üzrə elmi-praktik araşdırmalar, tədqiqatlar aparılır, laborator analizlər və sınaq işləri həyata keçirilir.

Görüş zamanı AQTİ-də işə qəbul prosedurları, təcrübə və könüllülük proqramları haqqında da ətraflı məlumatlar verilib.

Sonda tələbələrin sualları cavablandırılıb.

İstinad : AZƏRBAYCAN DÖVLƏT AQRAR UNİVERSİTETİ