Azərbaycan Dövlət Aqrar Universitetində (ADAU) Türkiyənin Ege Universiteti ilə birgə icra olunan beynəlxalq ikili diplom proqramı layihəsində təhsil alan tələbələr və onların valideynləri ilə görüş keçirilib.

Görüşdə çıxış edən Universitetin rektoru Zəfər Qurbanov növbəti tədris ilində Ege Universitetində təhsil alacaq III kurs tələbələrinə uğurlar arzu edərək öz tövsiyələrini verib. Həmçinin, rektor valideynlərin suallarını cavablandırıb, fikir və təkliflərini dinləyib.

Daha sonra çıxış edən valideynlər övladlarının mükəmməl formada təhsil alması üçün yaradılan şəraitə görə ölkə rəhbərliyinə öz minnətdarlıqlarını bildiriblər.

Sonda təhsildə əldə etdiyi nailiyyətlərə və fəallığına görə seçilən bir qrup tələbəyə və onların valideynlərinə Təşəkkürnamələr təqdim olunub.
İstinad : AZƏRBAYCAN DÖVLƏT AQRAR UNİVERSİTETİ