Bu ilin yanvar-mart aylarında Rusiyanın Perm diyarından Azərbaycana 60,3 min kubmetr meşə məhsulları tədarük edilib.

"Report" "Rosselxoznadzor"un Rusiyanın Kirov vilayəti, Udmurtiya Respublikası və Perm diyarı üzrə idarəsinin mətbuat xidmətinə istinadən xəbər verir ki, bu, ötən ilin eyni dövrü ilə müqayisədə təxminən 20 % çoxdur.

Permdən Azərbaycana son iri meşə materialları partiyalarından biri martın 28-də (2,8 min kubmetr oduncaq) göndərilib.

Laboratoriya ekspertizası meşə məhsulları nümunələrində karantin tətbiq edilən zərərli orqanizmlərin mövcudluğunu aşkar etməyib, onları idxalçı ölkənin fitosanitar tələblərinə uyğun hesab edib.

"Bütün məhsullar laboratoriya nəzarətindən keçib. Laboratoriya sınaqları zamanı karantin tətbiq edilən zərərli orqanizmlər aşkar edilməyib, məhsullar idxalçı ölkənin fitosanitar tələblərinə uyğun olub", - məlumatda qeyd edilib.