Şəki rayonunun ərazisində 7492,7 hektar meyvə və giləmeyvəlik, 307 hektar üzüm bağı var. Bu bağların əksəriyyəti vətəndaşlara məxsus fərdi həyətyanı sahələrdədir. Eyni zamanda, rayonda məhdud məsuliyyətli cəmiyyətlərə və fiziki şəxslərə məxsus müasir tipli intensiv meyvə bağları mövcuddur. Hazırda Kənd Təsərrüfatı Nazirliyi yanında Aqrar Xidmətlər Agentliyinin (AXA) Bitki Mühafizəsi və Fumiqasiya (zərərsizləşdirmə) Mərkəzinin Şəki rayon Mərkəzi tərəfindən bağlarda, həmçinin əkin sahələrində kompleks tədbirlər davam etdirilir.Bundan əlavə, ötən dövr ərzində üzüm bağlarında 892,4 hektarda zərərli orqanizmlərə qarşı kimyəvi mübarizə tədbirləri görülüb. Aparılmış mübarizənin 45,6 hektarı salxım yarpaqbükəninə, 49,9 hektarı tor və fır gənəsinə, 417,8 hektarı mildiu və 299 hektarı isə oidium xəstəliyinə qarşı olub.

İstinad : Azərbaycan Dövlət İnformasiya Agentliyi