On ildən çoxdur ki, "GROW GROUP" tərəvəz yetişdirməkdədir, keçən ildən isə giləmeyvə yetişdirməyə də başlayıb. Bundan əlavə biz təkcə Azərbaycanda deyil, xaricdə də müasir istixana komplekslərinin tikintisi ilə məşğuluq. Şirkətimiz həm də istixana sistemlərinin, avadanlıq və materialların topdan və pərakəndə satışını həyata keçirir, gübrə idxal edir.
RİCHEL şirkətini Azərbaycanda təmsil edərək, minimum xərclə maksimum məhsul əldə etməyə imkan verən texnologiyalar təklif edirik ki, bu da rəqabət qabiliyyətinin və müvafiq olaraq mənfəətin artmasına səbəb olur.
10 ildir ki "GROW GROUP" CaspianAgro beynəlxalq sərgisinin iştirakçısıdır. Bu illər ərzində stendimiz genişlənmişdir, indi ərazisi 56 kvadrat metrdir və bu çox şey deyir. Biz bir çox görüşlər və danışıqlar apardıq, müştəri bazasını dəfələrlə genişləndirdik. Amma bizim üçün ən əlamətdar hadisə Azərbaycan Prezidenti İlham Əliyevin sərgiyə hər il baş çəkməsi olub. Dövlət başçısına göstərilən xidmət və malları göstərmək bizim üçün şərəfdir.
İxtisaslaşmış sərgilər vacibdir, çünki yalnız burada həm müştəri bazasını artıra bilərik, həm də müasir istixana komplekslərinə investisiya qoymaq istəyən tərəfdaşların sayını artıra bilərik, çünki ənənəvi istixanalarda məhsul yetişdirmək artıq sərfəli deyil. Biz Azərbaycanda öz biznesinə başlamaq istəyən iri investorları hədəfləyirik.
Caspian Agro Azərbaycanda yeganə böyük ixtisaslaşmış sərgidir. Hər il onun necə böyüdüyünün, maraqlı bir tədbirə çevrildiyinin şahidi oluruq. Sevindirici haldır ki, bu gün burada təxminən on xarici tərəfdaşımız iştirak edir. Buna görə də biz bu platformadan müştərilərin istehsalçı şirkətlərlə görüşləri üçün uğurla istifadə edirik.

İsgəndər Qurbanov, İcraçı direktor, GROW GROUP

İstinad : Caspian Agro I Azərbaycan Beynəlxalq Kənd Təsərrüfatı Sərgisi