Azərbaycan Dövlət Aqrar Universitetində (ADAU) Azərbaycan Ağsaqqallar Şurasının təşkilatçılığı ilə "Azərbaycan cəmiyyətində qadınların rolu və gənclərin tərbiyəsində analar qarşısında duran vəzifələr" mövzusunda konfrans keçirilib.

Tədbirdə əvvəlcə Dövlət Himni səsləndirilib sonra torpaqlarımızın ərazi bütövlüyü uğrunda canlarından keçən şəhidlərin əziz xatirəsi bir dəqiqəlik sükutla yad olunub.

Çıxış edən ADAU-nun rektoru Zəfər Qurbanov bildirib ki, qadının cəmiyyətin inkişafında rolu əvəzolunmazdır. Bugünkü cəmiyyət məhz dünənki qadınların, anaların tərbiyəsinin məhsuludur. Rektor bildirib ki, ölkəmizdə dövlət qadın siyasətinin əsas prinsiplərinin müəyyən edilməsi və dövlət səviyyəsinə qaldırılması məhz Ulu Öndər Heydər Əliyevin adı ilə bağlıdır.

Daha sonra Gəncə şəhər Ağsaqqallar Şurasının sədri Nurəddin Məmmədov, Azərbaycan Ağsaqqallar Şurasının sədr müavini Bayram Yusifov, Gəncə Şəhər İcra Hakimiyyəti başçısı Aparatının Şəhərin mədəni irsinin qorunması şöbəsinin müdiri Yadigar Bədəlov, Şəhid Rauf Əsgərovun anası Brilyant Əsgərova, Xalq artisti Şahnaz Haşımova çıxışlar ediblər.