Azərbaycan Dövlət Aqrar Universiteti ilə (ADAU) Türkiyənin Ege Universiteti arasında həyata keçirilən beynəlxalq ikili diplom proqramı çərçivəsində Türkiyənin İzmir şəhərində yerləşən Ege Universitetində təhsil alan IV kurs ADAU tələbələri Ümummilli Lider Heydər Əliyevin anım günü münasibətilə İzmir şəhərində yerləşən Heydər Əliyev Parkını ziyarət ediblər.

Tələbələr parkdakı Heydər Əliyev abidəsi önünə gül dəstələri qoyub, Ulu Öndərin əziz xatirəsini dərin ehtiramla yad ediblər.

Çıxış edən Ege Universiteti Kənd Təsərrüfatı fakültəsinin dekan müavini Prof. Dr. Gülsüm Öztürk, Tarla Bitkiləri kafedrasının müdiri Prof. Dr. Behçet Kır və İkili Diplom Proqramının tələbələri Əli Məmmədov və Süleyman Süleymanov Heydər Əliyevin uzaqgörən siyasətinin Azərbaycan-Türkiyə münasibətlərindəki müstəsna rolundan və məhz dövlətimiz, xalqımız qarşısında misilsiz xidmətlərinə görə hər bir azərbaycanlının öz qəlbində Heydər Əliyevə sonsuz minnətdar olduğunu bildiriblər.