Muğan zonasında arpa biçini başlayıb.
"Report"un Muğan bürosunun məlumatına görə, Cəlilabad, Biləsuvar və İmişli rayonlarında artıq bir neçə gündür ki, biçin işləri aparılır.
İmişli rayonunda 2 min 509,7 hektar sahədə buğda, 6 min 844 hektar sahədə arpa, Cəlilabad rayonunda 46 min 980 hektar sahədə buğda, 13 min 450 hektar sahədə arpa, Biləsuvar rayonunda 7 min 563 hektar sahədə buğda, 24 min 086 hektar sahədə arpa əkilib.
Biçinlə yanaşı, arpa məhsulunun satışına da başlanılıb.
Fermerlərin sözlərinə görə, hazırda məhsulun satış qiyməti kiloqramı 30-35 qəpik təşkil edir.
