Azərbaycan Dövlət Aqrar Universiteti (ADAU) Tələbə Həmkarlar İttifaqı Komitəsi (THİK) nəzdində fəaliyyət göstərən "İdman və oyun" klubunun təşkilatçılığı ilə şahmat turniri keçirilib.

Turnirdə ADAU-nun Tərbiyə işləri üzrə prorektoru Aidə Qasımova, Tələbə Həmkarlar İttifaqı Komitəsi sədri İbrahim Qasımov, "Təhsil" Respublika İdman Mərkəzinin (RİM) Gəncə şəhər 2 nömrəli uşaq gənclər idman şahmat məktəbinin direktoru Asif Həsənov, əməkdar məşqçi Elçin Axundov və universitetin tələbələri iştirak ediblər.

Yekunda çıxış edən Aidə Qasımova 2 nömrəli uşaq Gənclər idman şahmat məktəbinin rəhbərliyinə yaradılan şəraitə görə təşəkkürünü bildirib. Eyni zamanda qalib olan, turnirdə fəal iştirak edən tələbləri təbrik edərək, ictimai-sosial həyatlarında uğurlar arzu edib.

Sonda tələbələrə fəxri fərman və mükafatlar təqdim edilib.